Brief aan God I

Ag Here, hieronder gaan dit nie so goed

al was ek waaragtig nog heeltyd net soet

al loop ek (en die H3) die (amper) reguit pad

piepie iets (of iemand) alewig my bêtt’rie nat.

“It never rains”, sê die wysneus wat van beter weet –

“It pours” – (ek wil só graag die stupid gesegde vergeet!!)

Nou weet ek mos U hou ons almal styf in U hand

al sit jy ook op jou stoepie in Pretoria gestrand.

Gepraat van strand – ek mis die see seer

maar eintlik kan ek skaars vra vir meer.

Ek wonder of die swart wolk hier bo-oor my

wel ‘n bietjie sonskyn van agteraf kry?

Ek weet mos goed van die silwer rand…

maar ek kyk dié wolk seker van die verkeerde kant?

Gepraat van wolk – ek wonder nou Heer,

as U die sluise daarbo kan beheer

sal U in U Genade só groot

ook vir simpel ou ekke kom help in haar nood?

Ek weet U dink dis gladnie so erg

maar ‘n reus vir die een, is vir die ander ‘n dwerg.

Gepraat van dwerg – ek voel so klein

oor ek sukkel om soms my emosies te train

Ek vergeet ook om by U aan te klop

en my bêtt’rie gereeld vir krag in te prop.

Gepraat van bêtt’rie – myne is vandag behoorlik nat

Ek sal hom vir ‘n Hemelse diens móét vat.

~☼~

Advertisements